5 أشياء ندمت عليها بعد تخرجي من الجامعة

أشياء ندمت عليها بعد تخرجي من الجامعة

سناء طالبة متخرجة من سنتين بتحكي تجربتها بعد تخرجها من الجامعة وبتقدملكن أهم النصائح الي كانت بتتمنى لو حدا خبرها فيها حتى تكون مهيئة

لسوق العمل

هون سناء عم تحكي تجربتها فبتقول

حاليا وبعد تخرجي بسنتين من الجامعة وبعد تجربتي لسوق العمل لاحظت اهم المهارات المطلوبة والتي تمنيت لو امتلكتها قبل التخرج حتى أكون مهيئة للعمل عند تخرجي مباشر

حبيت شارك تجربتي معكن حتى تستفادوا وبنفس الوقت تحاولوا تشتغلوا عهالمهارات حتى تتميزوا خاصة بوقت صار في منافسة شرسة في كافة الأصعدة والمجالات

بداية وأول مهارة :

غالب طلاب الجامعة بكونوا فاقدينها الي هي مهارات التواصل والطلاقة بالتحدث وغالب الطلاب بكونوا خجولين او مقتصرة علاقاتن وتعاملاتن على الزملاء والعائلة ف بتلاقي نسبة الضعف بمهارات التواصل ملحوظة عند الطلاب في الجامعات

برأيي اهم نقطة تساعد الطالب علىى تقوية مهارات التواصل هي التطوع في المنظمات والجمعيات الخيرية والتي تساعده في كسر حاجز الخجل لديه

 المهارة الثانية :

والي بتكون غير موجودة عند 90 بالمية من خريجي الجامعات وخاصة العربية الا وهي التخصص وحب الاطلاع واقتصار التعلم فقط على الأساتذة بالجامعة والمقررات الدراسية والي غالبا مابتعطي غير حجر الأساس بالتخصص الي انت عم تدرسو لهيك في حال كنت بأي مجال سواء تصميم او برمجة او مجال طبي او مجال هندسي  ف التحق بدورات وتعلم مهارات تخليك تتميز عن غيرك لما تتخرج وتفوت بسوق العمل

المهارة الثالثة الا وهي اللغات

اللغات هي وحدة من العوامل الرئيسية الي صارت تنطلب وتزبد من فرص قبولك بالتوظيف لدى الشركات المحترمة اللغة الإنكليزية وهي رح تفتحلك مجالات تشتغل مو بس مع شركات ع ارض الواقع ممكن وببساطة تشتغل فري لانسر بتعليم أي مهنة او مجال للأجانب عن طريق العديد من منصات التعليم عن بعد والتي أصبحت جدا منتشرة خاصة بعد ازمة كورونا وانتشار التعليم عن بعد

وتذكر كلما كانت لغاتك اكتر كلما كانت فرصك اعلى وفرصتك بتقوية لغاتك خلال فترة الجامعة هي افضل توقيت وبكون دماغك بحالة نشاط وإمكانية تلقي وتعلم أي شي بسرعة وبسهولة

المهارة الرابعة وهي مهارة العمل على برامج الحاسوب

الي ممكن تفيدك في التخصص يعني لو انت بتدرس اقتصاد ف بدك تعرف تشتغل عبرامج محاسبة هي تعتبر ميزة

لو انت مهندس فأكيد اللابتوب ما لازم يفارقك ويكون موجود عندك من بداية دخولك للجامعة مع تطور وبحث مستمرين عليه

لو انت طالب في أي قسم او بأي مجال ف ضروري جدا تعرف ببرامج الاوفيس او كيفية انشاء عروض تقديمية باستخدام البوربوينت وغيرها الكثير من البرامج التي لاتعد ولاتحصى الموجودة بكل نواحي حياتنا العملية والنظرية

نهاية :

ليست مهارة ولكنها نصيحة حاول قدر الإمكان ان تدرس الشيء الي تحبه مهما كان تحصيلك او مهما كان وضعك لانك وقت بتدرس المجال الي بتحبو رح تبدع فيه وتستخدم فيه اقصى امكانياتك

ولا تيأٍس في حال انك مادرست ماتحب بإمكانك ان تبدأ من مكانك الحالي وتطور من نفسك الأوان مافاتك لهلأ